Рухани жаңғыру: «Тәуелсіз елдің жастары»: шығармашылық байқау

Еліміздің Тәуелсіздік Күні қарсаңында 6 желтоқсанында  Елбасы жариялаған Жастар жылына орай облыстық «Алдаспан» газеті мен А.С. Пушкин кітапханасының бірлесе ұйымдастырған «Тәуелсіз елдің жастары» атты байқауы өз мәресіне жетті.

Байқаудың мақсаты - өңірдегі өнерге құмар дарынды жастарды анықтап, шығармашылықтарына қолдау көрсету. «Үздік орындаушы», «Талантты ақын», «Жас журналист»  номинациялары бойынша өткен байқауға Семей қаласынан, облыс аудандарынан 60 - қа тарта үміткер қатысты.  Шарада «Үздік орындаушы» бағытында қатысушылар патриоттық тақырыптағы әндер орындаса, «Талантты ақын» бағытында қатысушылар «Тәуелсіздік» тақырыбында және еркін тақырыптағы өлеңдері мен «Жас журналист» бағытында қатысушылардың «Жастар – еліміздің болашағы» тақырыбында эсселері бағаланып, жеңімпаздар марапатталды. Үміткерлер шығармашылығын  өңірімізге танымал ақын-жазушылар, ҚР Жазушылар Одағының мүшелері, ҚР Журналистер Одағының мүшелері және белгілі әншілер бағалады.

Тәуелсіз елдің жастары – ұлы даланың тірегі. Жас ақындарымыз бен дарынды журналистерімізді жеңістерімен құттықтаймыз.

 Байланысшы: Жансая Ашкенова

Байланыс тел.: 26-13-33 (119)

• < Артқа
• Алға >