Қазақстандық алғыс айту Күніне арналады

26 ақпанда сағат 10.00-де А.Пушкин атындағы кітапханада «Алғыс айту күніне» арналған екі көрме ашылады. Абай атамыздың өлең жолдарымен аталған «Біріңді бірің ғизат, құрмет етіс...» / «Друг к другу проявите уважение...» әдебиеттер көрмесі және «Біз - Қазақстан халқымыз» деп аталатын облыстық сәулет-этнографиялық және табиғи ландшафтық мұражай-қорық экспонаттарының көрмесі.

«Біріңді бірің ғизат, құрмет етіс...» кітап көрмесінде жазушылар мен авторлардың, Қазақстанның этникалық топтар өкілдерінің, достық, Отанға деген сүйіспеншілік, елдің мәдениеті мен тарихын баяндайтын басылымдар ұсынылады.
«Біз - Қазақстан халқымыз» көрмесі қонақтарды әзірбайжан, армян, белорус, еврей, қазақ, корей, неміс, орыс, украин және басқа халықтардың мәдениеті мен этнографиясының ұлттық ерекшеліктерін көрсететін мұражай экспонаттарымен таныстырады және 27 ақпан күні де жұмыс істейді.
27 ақпанда сағат 11.00-де кітапхананың акт залында 1 наурыз алғыс айту күніне және Қазақстан халқы Ассамблеясының құрылған күніне орай «Бір ел - бір отбасы» атты мерекелік концерттік бағдарлама өтеді. Мерекелік бағдарламаға кітапхана оқырмандары « В Кругу друзей» клубының мүшелері қатысады.
Осыдан 25 жыл бұрын Елбасы бастамасымен құрылған Қазақстан халқы Ассамблеясының қызметі Қазақстанның этносаралық қатынастар мәселелерін тиімді шешетін ел ретіндегі Қазақстанның халықаралық беделінің өсуіне ықпал етеді. Ассамблеяның қызметі БҰҰ-да бағаланып, оны әлемнің басқа мемлекеттері үшін ұлтаралық келісімнің, тұрақты, тұрақты дамудың үлгісі деп атайды.
Қазақстандық алғыс айту Күнінде біз этникалық топтар арасындағы өзара түсіністікке, қолдауға және достыққа негізделген көпұлтты Қазақстанның біртұтастығын сақтау мен дамытудың маңыздылығын еске саламыз.
Осы күндері А.Пушкин кітапханасына келушілердің барлығына құттықтаулар айтылып, әлеуметтік желілерде мерекелік алғыс жарияланымдары жасалады.

 Байланысшы:Рахимбаева Бахтылы, тел.  608980

• < Артқа
• Алға >