Тренер, коуч Дүсіпбаева Қарлығаш Советқанқызымен онлайн-кездесу

2020 жылы 28 сәуір күні сағат 20.00-де А.С. Пушкин атындағы облыстық кітапхананың ұйымдастыруымен күршімдік жерлесіміз, бүгінде Астана қаласының тұрғыны, тренер, коуч Дүсіпбаева Қарлығаш Советқанқызымен (@barshyn_abilgazinova инстаграм парақшасында) тікелей эфирде онлайн кездесу болады.

Дүсіпбаева Қарлығаш Советқанқызы – филология ғылымдарының кандидаты, Ph.D. Аймақтық Менеджмент Академиясының қауымдастырылған профессоры. Білім беру саласындағы зерттеушілердің қазақстандық қауымдастығының (KERA) “Researcher” (білім беру саласында зерттеуші) категориясы бойынша мүшесі. Қазақ тілі оқытушыларының халықаралық қауымдастығының мүшесі (IATKL). Aхмет Байтұрсынұлы Білім Академиясының Академиялық кеңесінің мүшесі, көпшілік алдында сөйлеу, жаңартылған бағдарлама, эссе бойынша республикалық деңгейдегі тренер, коуч. Q_ORATOR mektebiniń негізін қалаушы.

«Көпшілік алдында сөйлеу өнері» «Іскерлік этикет және сөйлеу өнері», «Тілді деңгейлеп оқыту», «Цифрлық технологияны қолдану арқылы тілді деңгейлеп оқыту», «Эссе жазудың тиімді тәсілдері», «Тілді M-Learning әдісі арқылы меңгерту», «Әлеуметттік желілер арқылы тілді меңгерту», «Сөз өнері», «Ғылыми жоба жазу және қорғау техникасы» тақырыптарында тренинг, шеберлік сағаттарын өткізіп жүр.
Қазақ тілін креативті оқыту тәсілдері қандай? Қазіргі уақытта қай тілді білу трендке айналуда? Қазақ тілін еркін меңгеру, от ауызды, орақ тілді шешен болудың жолдары қандай? – бүгінгі таңда қазақ тілін креативті оқытып жүрген еліміздегі үздік ұстаздардың бірі – Қарлығаш Дүсіпбаева осы сұрақтарға жауап береді.
Тікелей эфир барысында шешендік өнер, қазақ тілінің болашағы, жас ұрпақ тәрбиесі туралы тақырыптар кеңінен қозғалатын болады.
Танымдық, тәрбиелік сұхбаттан тыс қалмаңыздар. Бізбен бірге болыңыздар!

Байланысшы: Абылгазинова Гүлбаршын,
библиограф, 87056241725

• < Артқа
• Алға >