Тікелей эфир: «Абайдың өскен ортасы және ұрпақтары»

21 мамыр күні сағат 15.00-де  Мәдениет саласының үздігі, өлкетанушы Слямова Зиза Мұхтарханқызы мен  Қазақстан білім беру ісінің үздігі, Күршім ауданының Құрметті азаматы, кітапхана волонтері  Сарипова Қатиза Байбазарқызының қатысуымен «Абайдың өскен ортасы және ұрпақтары» атты тікелей эфир өтеді. Тікелей эфир  Фейсбук әлеуметтік  желісіндегі https://www.facebook.com/meruert kemesheva   парақшасында өтеді.

 Ұлы Абайдың 175 жылдық мерейтойы қарсаңында өтетін онлайн кездесудің  тәрбиелік танымдық маңызы зор. Ақын да адам баласы, сондықтан оның ата-бабасы, туған туысқандары, ұрпақтары болуы заңды. Абай заманынан қаншалықты алыстап кетсек те, ақын өміріне деген қызығушылық  толастаған емес.  Абайдың өскен ортасы, шыққан тегі туралы егемен  елдің  бүгінгі  ұрпағы не біледі? Әкесі Құнанбайдың шын бет бейнесі қандай еді? Өткен ғасырдың  30 жылдары түгел дерлік қуғын-сүргінге ұшырап, тағдыр тауқыметін тартқан  ақын ұрпақтарының тағдыр –талайы қалай болды?  Кінәсізден кінәсіз жапа шегіп, запыран ішкен  Абай ұрпақтарынан бүгінде кімдер бар?
Тікелей эфирге қатысушы Қатиза Байбазарқызы ұзақ жылдар ұстаздық еткен, әдебиет пәнінің мұғалімі, әдіскер - ұстаз . Тәуелсіздік жылдары жарық көрген тың деректер,   ғылыми  зерттеулерге сүйене отырып, ақын өмірінің кейбір беймәлім тұстарынанда хабардар етеді.  Ақын өмірі туралы көкейде жүрген көп сұраққа жауап іздесеңіз онлайн кездесуден құр қалмаңыз!
                                                                                                                    Байланысшы: Кемешева Меруерт, +77052819343

• < Артқа
• Алға >