21 маусым - Халықаралық әкелер күні

Халықаралық әкелер күні  - маусым айының үшінші демалысында  аталып өтетін күн - биыл 21 маусым күніне келеді. Әкелер күні әлемнің 80-нен астам елінде кең ауқымда тойланады. Қазақстанда енді қолға алынып жатыр.  Өткен жылы  Біріккен Ұлттар Ұйымының Қазақстандағы кеңсесі мерекеге орай арнайы жиын өткізді. Жиынға қатысқан мамандардың айтуынша, отбасы институтын қалыптастыру, бала тәрбиесіне әкелердің араласуына мүмкіндік жасау өте маңызды.

Бұл бүлдіршіндердің мінез-құлқы мен өмірлік ұстанымын қалыптастыру үшін өте маңызды. Тіпті, ажырасу деректерінің азаюына да көмектеседі,- деп отыр олар. Артур Ван Дизен, БҰҰ балалар қорының өкілінің бойынша Қазақстандағы әкелердің 6,6 пайызы ғана бала тәрбиесіне көңіл бөледі екен. Бұл өте нашар көрсеткіш. Өзгесі өздерін жұмысбасты санайды. Біз жүргізген зерттеу бойынша, отағасы күніне кемінде 15 минут, әйтпесе, одан көп уақытты балаларымен өткізсе, оң нәтижеге қол жеткізуге болады. Әсіресе, әке тәрбиесін көрген ер балалар өмірдің кез келген сынағына дайын болып өседі.
Құрметті оқырмандар және әлеуметті желілірдегі достарымыз, сіздерді әкелеріңіздің  жетістіктері және  әкелеріңізбен бірге өткізген бақытты сәттерге арналған бейнероликтер, фотосуреттер,  селфи, ашық  хаттар және құттықтаулармен  бөлісуге шақырамыз «менің әкем – менің мақтанышым»,  «әке–отбасының тірегі» хештегілері арқылы: #меніңәкемменіңмақтанышым,  #әкеотбасыныңтірегі.

Қазақстандағы тұңғыш "Әкелер мектебін қалаушы" әрі директоры, жерлесіміз Сәдуақасов Ертісбек Қайырбайұлы біздің кітапханада Абайдың 175 жылдығына арналан іс-шарада айтқан сөздері оқырман әкелерді жігерлендіреді деп үміттенеміз: "Абайдың әкесі Құнанбайдай әке болайық, Абайдай ұрпақ тәрбиелейік! Ұрпағымыз мықты болсын!".

                                                                                       Рахимбаева Бахтылы, тел. 608980

• < Артқа
• Алға >