Тікелей эфирде астана жастары...

6 шілде күні, астанамыз Нұр-Сұлтан қаласының туған күнін мерекелеуде, А.С. Пушкин атындағы ШҚО кітапханасы еліміздің бас қаласымен үлкен үміттерін байланыстырып, арманға ұмтылған елордамыздың екі бірдей тұрғыны - біздің жерлестерімізбен онлайн-кездесу ұйымдастырды.

ҚР Ұлттық академиялық кітапханасы басшысының ақпараттық ресурстар жөніндегі орынбасары, «Қазақстанның жаңа 100 есімі» Республикалық жобасының жеңімпазы Нұржан Жолдыбалинов Нұр-Сұлтан қаласын «Менің тағдырымның арман-қаласы» деп атаған. Нұржан ШҚО Жарма ауданының Шар қаласының тумасы, IT- маман, ақпараттық жүйелер бойынша маркетолог, өзінің еңбек жолын еліміздің бас кітапханасы – Қазақстан Республикасы Ұлттық академиялық кітапханасынан бастап, Қазақстан ұлттық электронды кітапханасының (КазНЭБ )бастауында тұрды. Кездесу 6-шілде күні сағат 14-00 де Фейсбук әлеуметтік желісінің «@Нуржан Жолдыбалинов» жеке парақшасында өтті.

Малика Галиева – Өскеменнен шыққан жас болса да талантты журналист, еліміздің астанасы Нұр-Сұлтанда бар-жоғы бір жыл шамасында жұмыс атқарғанына қарамастан, өзінің нағыз кәсіби маман екенін дәлелдей білді. Қазіргі таңда «Ruh.kz» порталының корреспонденті қызметін атқарады.
Тікелей эфирде Малика өзінің қызметі, журналист мамандығына деген сүйіспеншілігін, барғанына аз уақыт болса да тез сіңіп кеткен Нұр-Сұлтан қаласы, өзіне бағыт-бағдар берген шығармашылық ұстаздары туралы айтып өтті.
Малика көптеген Республикалық шығармашылық сайыстардың жеңімпазы. Атап айтқанда, «Шаңырақ» этножурналистика саласы бойынша, Қазақстандағы Үкіметтік емес ұйымдар жұмысы туралы жазған үздік шығармашылық еңбектері үшін журналистер мен блогерлер арасындағы сайыс жеңімпазы.
Ұлттық бірлік пен қоғамдық өзара татуластық, қазақстандық патриотизмді насихаттау жолындағы еңбегі үшін, Қазақстан Республикасындағы этносаралық ынтымақшылдықты сақтау және дамыту ісіне ат салыса қатысқаны үшін, «Қазақстан халқының Ассамблеясының 20-жылдығы» медалі мен т.б. алғыс хат, грамоталармен марапатталған. Кездесу 6-шілде күні сағат 16-00 де Фейсбук әлеуметтік желісіндегі«@Малика Галиева» жеке парақшасында өтті.

Астана жастарымен өткен кездесулер өте мазмұнды әрі қызықты өтті. Көрермендер жастарға сауалдар қойып, ізгі тілектернін білдірді.
Байланысшы: Қалиева Б.Т.; Тел.8 701 104 30 60

• < Артқа
• Алға >