Өсе бер, өрлей бер, Елорда!»: танымал шығысқазақстандық, жазушы, Астана (Нұр-Сұлтан) туралы көптеген кітаптардың авторы Сәдібек Түгелмен тікелей эфир

6 шілде 2020 жылы сағ.15.00-де Елордамыздың және Елбасының туған күніне орай Астана қаласының тұңғыш баспасөз хатшысы, Ұлттық Ат спорты Федерациясының Президенті, «Ұлы Дала Қырандары» республикалық қоғамдық әлеуметтік-мәдени қозғалысының төрағасы, ҚР еңбек сіңірген қайраткері, жазушы, зерттеуші – Сәдібек Түгелмен @sadybek.tugel фейсбук парақшасында тікелей эфир өтеді. Белгілі қоғам қайраткерінің өмірі Астанамен байланысты болғандықтан, маңызды кездесуге таңдалуы да орынды.

Жерлесіміз Сәдібек Түгел – Шығыс Қазақстан облысының Ұлан ауданы және Ақмола облысы Целиноград ауданының Құрметті азаматы. Қазақстан Республикасы гуманитарлық ғылымдар академиясының академигі, Л. Гумилев атындағы Еуразия ұлттық университетінің профессоры, «2017 жылдың қорытындысы бойынша үздік қоғам қайраткері» номинациясының иегері, «2017 жылғы Қазақстанның халық сүйіктісі» ұлттық жүлдесінің иегері.
Сондай-ақ, Сәдібек Түгел – Астана қаласының тұңғыш баспасөз хатшысы. Оның идеясымен «Астана қаласының халықаралық баспасөз орталығы» ұйымдастырылды. Елорданың алғаш қарыштап даму сәттерінен барынша мол мағлұмат беретін архив құжаттары да кездесу қонағының қолында сақталған.
Жаңа Астана жетістіктерін баспасөз беттерінде жариялағаны үшін Елбасы Жарлығымен «Қазақстанның еңбек сіңірген қайраткері» құрметті атағын, Журналистика саласы бойынша Қазақстан Республикасы Президентінің грантын иеленген.
20-дан астам кітаптың авторы. Олардың қатарында: «Көк Күмбезді –Астана» / «Астана – Город Солнечной мечты», «Астана – Триумф Независимости страны» / «Астана – жерұйығы Елімнің», «Алғашқы астаналықтар» / «Первопроходцы Астаны» жинақтары, «Астана хикаялары» «Астана қаласы баспасөзінің шежіресі» т.б.
Онлайн кездесуге қатысып, өз сауалдарыңызға әcерлі жауап аласыздар деген ойдамыз. Жерлес-жазушымен өтетін онлайн кездесуге барлық қызығушылық танытқан оқырмандарды шақырамыз.

Байланысшы: Қалиева Б. Т.
Анықтама тел.: 26-13-33

• < Артқа
• Алға >