Тікелей эфир: «Тектіден текті туады, тектілік тұқым қуады»

А.С. Пушкин атындағы Шығыс Қазақстан облыстық кітапханасының ұйымдастыруымен кезекті онлайн кездесуіміз 2020 ж. 29 шілде күні тектанушы САҒЫМБАЕВА ӘЛИЯ НҰРПАҚЫЗЫМЕН  @Aliya_tektanu Инстаграм парақшасында өтті.

Тектану – психология, генетика, физика, хронология, антропология және этнопсихология ғылымдарының басын біріктірген жаңа ғылым. Тектану ғылымы бізде 15 жыл бұрын қалыптасса да, қазақ «жеті атасын білмеген жетесіз» деп, тектанудың негізін баяғыда-ақ салып кеткен. Демек, тектану ілімі ата-бабамызда болған.
Әлия Нұрпақызының тектану саласында жүргеніне биыл 16 жыл. Ол - родолог-кеңесші, тектанушы, тектанудан Қазақстандағы, Орталық, Орта Азиядағы, Азиядағы оқытушысы. Астана қаласы бойынша Родология орталығының басшысы. Еуразия халықтары Ассамблеясының «Родовая культура» комитетінің тең төрағасы (Ресей). Азия бойынша Халықаралық кәсіби родологтар Лигасының Вице-президенті.
Сонымен қатар психолог-практик, жоғары санатты мұғалім, заңгер. Жалпыресейлік Кәсіби Психотерапиялық Лигасының мүшесі (Ресей). Кәсіби психотерапиялық лиганың мүшесі (Қазақстан). "Өмірге сен" Қоғамдық қорының қамқоршылық кеңесінің мүшесі. «Даналық» Отбасы құндылықтарын дамыту институтының "Ұрпақтар сабақтастығы" мектебінің үйлестірушісі. "Atamnyn amanaty" Қоғамдық бірлестігінің тең құрылтайшысы.
Кездесу барысында қонағымыз «Атамның аманаты» қоғамдық бірлестігінің іздеушілері ҰОС-да хабар-ошарсыз кеткен 2486 сарбаздың ішінен 436 сарбазды қалай тапқандарын, жалпы қазақстандықтар ҰОС кезінде жоғалған туыстарын қалай табуға болатындығы жайлы баяндай отырып, тұқым Заңдары және тұқым қуалаушылық, сөздің энергиясы мен күші, ер және әйел, ата-аналар мен балалар, денсаулық және тұқым қуалаушылық, виктимология туралы әңгімелеп берді. Рудың әлеуметтік денсаулығы, жеке бизнесте, өмірде жетістіктерге жетудегі тектің атқаратын рөлі туралы сыр шертетті.
Кездесу өте танымды, пайдалы, әрі қызықты болды!

Кітапхана маманы Қыдырова Назгүлдің  Әлия Сағымбаевамен құрған сұхбаттың жазылымын келесі сілтеме арқылы көруге болады : https://www.facebook.com/groups/pushkinlibrary.kz/permalink/2558967847748637/.

                                                                                                       Байланысшы: Құдайбергенова Нұргүл, тел: 87055412525

• < Артқа
• Алға >