XXI ғасырдың икемді дағдылары

«ХХІ ғасырдың икемді дағдылары» тақырыбында химия және биология пәндерінің мұғалімі, Педагогикалық шеберлік орталығының Өскемен қаласы филиалының тартылған тренері Алма Оқасовамен онлайн кездесу кітапханамыздың шақыруымен өтті. Алма Тұрысбекқызы «21-ші ғасырдың икемді дағдылары» терминінің мағынасы, олардың білім беру жүйесі қалыптастыратын дәстүрлі дағдылардан айырмашылығы неде, бүгінгі күні балаларды тәрбиелеу мен оқытуда неге назар аудару керектігіне тоқталып, тыңдаушылардың сұрақтарына жауап берді.

А.Т.Оқасова - химия пәнінен бағалауға арналған тапсырмалар әзірлеу және сараптау, оқушылардың жаратылыстану-ғылыми сауаттылығын, креативті ойлауды дамыту курсы бойынша тренер. Алма Тұрысбекқызы бүгінгі таңда күрделі әлем жастардан заманауи кәсіби өмірдің тез өзгеретін талаптарына оңай бейімделуді талап етеді деп санайды. Сондықтан, қажетті базалық дағдылар мектеп қабырғасында қалыптасуы тиіс.
Ғалымдар адам қызметінің кез-келген саласында сұранысқа ие болатын «базалық дағдылар» жиынтығына келесі құзыреттер мен дағдыларды жатқызған: зейінді шоғырландыру және басқару; эмоционалды және цифрлық сауаттылық; шығармашылық және креативтілік; экологиялық ойлау; ұрпақ алшақтығын жеңуге, басқа мәдениет пен субмәдениеттерді түсінуге, олармен ортақ тіл табуға көмектесетін оқыту/өзін-өзі оқыту және мәдениеттілік қабілеті.
Кітапхана оқырмандарын және әлеуметтік желі пайдаланушыларын оқушылардың икемді базалық дағдыларын қалыптастыру мәселелері бойынша өткеін онлайн кездесудің жазылымын сілтеме арқылы көруге болады: .

Байланысшы: Қыдырова Назгуль, тел.+77056483926

• < Артқа
• Алға >