«Юлия Курдакованың графикалық әлемі»

«Сурет салу тыныс алумен тең!»
Ю. Э. Курдакова

Шығыс Қазақстан облыстық сәулет-этнографиялық және табиғи-ландшафтық мұражай-қорығының қызметкері, кітапханамыздың белсенді оқырманы, талантты график-суретші, көптеген аймақтық және республикалық көрмелерге қатысушы Юлия Евгеньевна Курдаковамен онлайн кездесу  Facebook платформасында кітапхана парақшасында өтті.

Юлия Курдакова 1970 жылы Өскемен қаласында дүниеге келіп, бүгінгі күнге дейін осы қалада тұрады. Шығыс Қазақстан мемлекеттік университетінің филология факультетін аяқтайды.
Юлия Курдакованың графикалық жұмыстарының алғашқы жеке көрмелері балалар көркемсурет мектебінде - 1980 жылдардың басында өткен. Өскемен мен Алматыдан кейін Юлияның суреттері Бүкілодақтық «Артек» балалар пионер лагерінде өткен көрмеде назарға ие болып, өскемендік дарынды оқушы жолдама алады. 1998 жылы Ю.Е. Курдакованың графикалық жұмыстары Астана қаласындағы Өскемен қ. СҚӨ суретшілері мен шеберлерінің шығармашылық көрме-тұсаукесеріне қатысқан.
Сан қилы бағыттағы сызықтар Юлия Курдакованың графикалық жұмыстарының басты артықшылығы болып табылады, оны сызықтық сурет саласындағы виртуоз деп атауға болады. Өмірімізде қарапайым адам ойлап, оларға ерекше мән бермейтін нәрселер оның жұмысында терең философиялық мағынаға ие болып, ерекше романтикалық рең береді. Қазіргі жоғары технология мен нарықтық экономика әлемінде, басты орындардың бірін теледидар экраны, газет парақтары мен дүкен терезелерін толтыратын жарнама алатын жағдайда адамдардың өздері, олардың ерекше келбеттері көрінбейтін болды деген ой еріксіз туындайды.
Кездесу барысында Юлия Евгеньевна өзінің шығармашылығы, «Холмы Чечек» альбомының тарихы жайлы әңгімелеп, тыңдармандардың сұрақтарына жауап берді.

Кездесудің бейнежазылымын сілтеме арылы көруге брлады: https://m.facebook.com/groups/1522352141410218?view=permalink&id=2603179776660777&sfnsn=mo&extid=NGmobeH7SmuG2fP0&d=n&vh=i#.

                                                                                                   Байланысшы: Яна Абдеева, тел. 261333

• < Артқа
• Алға >