Дәстүрлі халық шығармашылығы – халықтың жаны мен шабытының қайнар көзі.

А.С.Пушкин атындағы кітапханада Қазақстан халқының бірлігі күніне арналған «Дәстүрлі халық шығармашылығы – халықтың жаны мен шабытының қайнар көзі» атты сәндік-қолданбалы өнер көрмесі ашылды. Көрмеге кітапханадағы Виктор Сачков пен Ләзат Елікбай жетекшілік ететін «Шеберлер мектебі» шәкірттерінің қолынан шыққан бұйымдар қойылған.

Дәстүрлі халық шығармашылығы – бұл философия, нақты математикалық есеп, шабыт, білгірлік, жүйрік қиял мен қатаң ереже, классика мен заманауи сән үлгісін қамтитын адамның өз ойының ерекше әлемі.
Көрмедегі креативті панно-түскиіздер, ерекше техникамен жасалған кестелер, киіз қоржын, сөмкелер көздің жауын алады. Шеберлер мектебінің қатысушысы Галина Чистякованың алты айлық еңбегінің жемісі – тоқыма станогында тоқылған диван жамылғысы да ерекше назар аудартады.
Ерекше көрмеге саз балшықтан жасалған бұйымдар да қойылған, олардың ішінде Любовь Роумингтің ойыншықтары айрықша көзге түседі. Ол ойыншықтарды өзі жасап қана қоймай, оларды әдемі бояулармен көмкереді. Шеберлер мектебінің басқа да қатысушылары Еркежан Ноғайбаева, Мейрамгүл Сүлейменова, Галина Упобаева, Әдемі Серікованың еңбектері де мақтауға тұрарлық.
Халық шығармашылығы өз уақыты мен дүниетанымын көрсететін шабыттың қайнар көзі. Өз шығармашылық әлеміңізді өзгелерге жаңа қырынан танытыңыз!

Байланысшы: Рахимбаева Бахтылы,
тел. 261333, вн. №119

• < Артқа
• Алға >