«Ізгі кітаптар жолында»: заманауи жазушы Оразбек Сәрсенбімен онлайн кездесу

2021 жыл 27 қаңтар, сағат 17.00 –де А.С. Пушкин атындағы кітапхананың ұйымдастыруымен инстаграмм @pushkinlibrary парақшасында жазушы, ақын, аудармашы Оразбек Сәрсенбімен онлайн сұхбат өтті.

Әлеуметтік статусы бойынша кәсіпкер Оразбек Сәрсенбінің тағы бір қыры – қаламгерлік. Ол әрі ақын, әрі жазушы. 1968 жылы Алматы қаласында дүниеге келген. Шығыс Қазақстан облысы, Катонқарағай ауылындағы орта мектепті тәмәмдаған. Қазақ политехникалық институтын 1993 жылы аяқтаған. Коммерциялық және мемлекеттік органдарда жұмыс істеген. Қазіргі уақытта Қырғызстан Республикасының астанасы - Бішкек қаласында тұрады.
Оразбек Сәрсенбінің айтуынша, ол жазушылыққа ерте жасынан қызыққан. 2017 жылы А.В. Воронцов атындағы қашықтан оқыту курстарына қатысып, алғашқы туындылары дүниеге келді. Бүгінгі таңда Оразбек Сәрсенбі көптеген қызықты әңгімелер мен терең мағыналы өлеңдердің авторы. Шығармалары ТМД елдерінің журналдары мен альманахтарында жарық көрген. 2017 жылы «Спасение и милость» атты әңгімесі үшін «Өркениет сұқбаты» номинациясы бойынша «Рухани шоқжұлдыздары» халықаралық әдеби сайысының жеңімпазы атанған.
Онлайн кездесу барысында талантты жазушы өмірінің маңызды оқиғаларымен бірге, жазушылық тәжірибесінің қалай қалыптасқанын, арманға деген ұмтылыстарымен, алға қойған мақсаттарға жету жолдарымен бөлісті.

Байланысшы: Кемешева М. Н.

87052819343

• < Артқа
• Алға >