«Сезімде өлең, өмірлік сертімде өлең»

26 наурыз күні, сағат 11.00-де А.С. Пушкин атындағы кітапхананың ұйымдастыруымен белгілі жас ақын Жұлдызай Ысқақпен Facebook @Жұлдызай Ысқақ парақшасында онлайн сұхбат өткізді.

Қазіргі қазақ поэзиясында өзіндік үнімен ерекшеленіп жүрген жас ақындарымыздың бірі Жұлдызай Ысқақтың поэзиясы шынайылығымен дараланып тұрады. Дархан даланың бір уыс топырағынан бастап, ғаламның әр жұлдызына махаббатпен үңілетін ақын жүрегінен шыққан сөздер жасандылықтан ада, шумақтарында жақұт тастардай өз орнымен жарқырап тұр.
Жұлдызай Ысқақ - 1989 жылы 19 сәуір күні Шығыс Қазақстан облысы, Аягөз қаласында дүниеге келген. Семей мемлекеттік педагогикалық институтының түлегі. Төлеген Айбергенов атындағы әдеби жастар сыйлығының лауреаты, Мұқағали Мақатаев атындағы республикалық ақындар мүшәйрасының 1 орын иегері. Бірнеше ән мәтіндерінің авторы.

Ақын поэзиясының бір ерекшелігі – туған өлке, табиғат құбылыстары жайындағы өлеңдерінің сондай қанық бояумен суреттелуінде. Бүгінгі қыздар поэзиясының негізі – махаббат лирикасы болса, Жұлдызайды даралайтын – эпикалық өлеңдері. Ақынның «Жидебай», «Күшікбай асуы», «Каспий-өлең», «Теңізге сәлем», «Күздің соңы», «Күзгі элегия» сынды өлеңдері сөзіміздің дәлелі бола алады.
 

Байланысшы: Аскерхан Ақтай
Тел.:8701183 00 84

• < Артқа
• Алға >