Балдәурен балалық шақ!

Сендерге бүгінгі мерекеде не ұнады ? деген сұраққа кішкентай оқырмандарымыз:
- Әндер мен қызықты кітаптар,
- Мен бояулармен сурет салуды үйрендім!
- Мен де мықты болғым келеді,
- Үлкен қуыршақтар, мен олармен суретке түстім!
- Өте көңілді болды!
- Шахмат ойнап, жаңа кітап таңдауға болады! деп, сәбилік жүректерімен қуанып жатты.

 Бүгін 1 маусым күні кішкентай оқырмандарымыз «Балдәурен балалық шақ!» мерекелік бағдарламасында - ойын – сауық және танымдық ойындарға қатысып, шығармашылық шеберханаларда болып, интерактивті кітап көрмесімен танысты. Олар: «Сиқырлы қылқалам», «Шебер қолдар»,«Ойталқы, «Болашақ чемпиондар лигасы», «Ойнайық та, ойлайық!», «Көңіл-күйді қалай көтеруге болады?: сияқты танымдық аялдамаларда қонақта болды.

Әрине, сонымен қатар көптеген қызықты балалар кітаптары да болды. Кітапсыз жазды өткізу мүмкін бе? «Балалар классикасының алтын кітапханасы», түрлі тілдердегі халық ертегілерінің керемет басылымдары, балалар энциклопедиялары, барлық бүлдіршін жақсы көретін «Айгөлек», «GEOленок», «Балалар әлемі», «Балдырған», «Девчонки и мальчишки»… журналдары.
Кітапханаға алғаш рет келген кез-келген қонағымыз біздің қызметтеріміздің тұрақты пайдаланушысы болып, қалаған кітабын 10 күндік мерзімге үйге алып оқи алады. Кітап таңдауы үлкен!
Сондай-ақ, біз мектеп оқушыларының жазғы демалыс кезінде кітапханада бос уақыттарын пайдалы өткізіп, үздік оқырмандарға арналған жыл сайынғы «Кітап оқу көшбасшысы», «Мен және менің отбасым оқиды» конкурсы мен SUPER Б'АЛАҚАЙ! онлайн жобасына  қатыса алатынын еске саламыз.

• < Артқа
• Алға >