«Айтыс өнерінің қазіргі қарқыны» онлайн сұхбат

Рухани жаңғыру бағдарламасы аясында А.С. Пушкин атындағы кітапхананың ұйымдастыруымен айтыскер ақын, Әсем Ережеқызы 7 маусым күні 11.00-де https://www.facebook.com/asem.erezhekyzy парақшасында «Айтыс өнерінің қазіргі қарқыны» атты тақырыпта онлайн сұхбат өткізеді.

Бұл сұхбаттың мақсаты: қазіргі таңдағы айтыс өнерінің дамуы және қарқыны туралы баяндайды. Осы бағыттағы сауалдарға жауап береді.
Ә. Ережеқызы қазақ айтыс өнерінің танымал ақыны ретінде белгілі. Ол айтыста ойы нық, сөзде тапқыр, қарысласқа ұтқыр, халықтық мәселелерді тереңнен қозғай білетіндігімен ерекше ақын.

Әсем Ережеқызы 1980 жылы 8 қаңтарда бұрынғы Семей облысы Шұбартау ауданы Байқошқар ауылында дүниеге келген. Байқошқар орта мектебінде білім алып (1987-1997), Шәкәрім атындағы Семей мемлекеттік университетінің филология факультетін тәмамдаған (1997-2001). Семей мемлекеттік педагогикалық институтының магистратурасын оқып бітірген (2003-2005).
Шәкәрім атындағы Семей мемлекеттік университетінде оқытушы (2001-2004), Семей мемлекеттік педагогикалық институтында ғылыми қызметкер (2004-2008) болып қызметтер атқарған. Қазіргі таңда Л.Н.Гумилев атындағы Еуразия Ұлттық университетінде Баспасөз хатшысы қызметін атқарады. Әсем республикалық, халықаралық ақындар айтысының бірнеше мәрте жүлдегері. Жазба өлеңдері мен топтамалары 2000 жылдан бастап республикалық «Қазақ әдебиеті» газеті, «Жұлдыз» журналдарында жиі жарық көріп келеді. 2003 жылы Қазақстан Жазушылар Одағы өткізген республикалық мүшайраның жүлдегері. Халықаралық «Шабыт» фестивалінің дипломанты. Монғолия қазақ жастары одағының ең жоғарғы сыйлығы «Көшбасшы» алтын жұлдызының иегері.

Кемешева Меруерт
87052819343

• < Артқа
• Алға >