«Сафауат – ат - Тәфәсир» кітабының таныстырылымы

Бүгін А.С. Пушкин атындағы ШҚ облыстық кітапханасында Қазақстан Мұсылмандары Діни Басқармасының төрағасы, Бас мүфти Наурызбай қажы Тағанұлы хазіреттің қатысуымен «Сафауат – ат - Тәфәсир» кітабының таныстырылымы өтті.

Басқосу қаламыздағы зиялы қауым өкілдері Т.Т. Түсіпбеков., Қ. Сарин, А. Ақтай, А. Қасым, Б. Кәдіров, Е. Хасенов, Д. Жекей, Қ. Дүргінбайлардың қатысуымен өтті.
«Сафауат – ат - Тәфәсир» кітабы Сирияның Алеппо қаласынан шыққан Мұхаммед Әли әс-Сабунидің еңбегі. Төр томнан тұратын Сафауат – ат - Тәфәсир» кітабы қазақ және орыс тілдерінде жарық көріп отыр.
Бас мүфти Наурызбай қажы Тағанұлы Қазақстан Мұсылмандары Діни Басқармасының төрағасы:
Бұл еңбекті шығарудағы мақсатымыз – Қасиетті Құран аяттарын халыққа дұрыс тәпсірлеу, халыққа Әбу Ханифа мәзһабын ұстанудың маңыздылығын дәріптеу, жастарға дұрыс діни мәлімет беру, елімізде дін тұтастығын қалыптастыру, деструктивті діни ағымдардың идеологиясына тойтарыс беру. Тәпсір кітабы оқырманға жеңіл, ықшамды жазылуымен ерекшеленеді.
Кітаптың тұсаукесеріне келген қонақтарымыз «Сындарлы 30 жыл – 30 асу» деп аталатын ҚР Тәуелсіздігінің 30 жылдығына арналған әдебиеттер экспозициясымен танысты.

• < Артқа
• Алға >