Елорда – Тәуелсіздіктің бойтұмары

5 шілде 2021 жылы, сағ. 15.00-де Елордамыздың туған күніне орай  кітапхананың ұйымдастыруымен Елордамыздың тұңғыш баспасөз хатшысы, Ұлттық Ат спорты Федерациясының Президенті, «Ұлы Дала Қырандары» республикалық қоғамдық әлеуметтік-мәдени қозғалысының төрағасы, ҚР Еңбек сіңірген қайраткері, жазушы, зерттеуші Сәдібек Түгелмен ZOOM - платформасында онлайн кездесу өтті. Маңызды кездесуге Сәдібек Түгелді таңдауымыздың себебі – қоғам қайраткерінің барлық өмірі Елордамен байланысты.

Біздің жерлесіміз – Шығыс Қазақстан облысының Ұлан ауданы, Ақмола облысының Целиноград ауданының Құрметті азаматы. Қазақстан Республикасы Гуманитарлық ғылымдар академиясының академигі, Л. Гумилев атындағы Еуразия ұлттық университетінің профессоры, «2017 жылдың қорытындысы бойынша үздік қоғам қайраткері» номинациясының иегері, «2017 жылғы Қазақстанның халық сүйіктісі» ұлттық жүлдесінің иегері.
Сәдібек Түгел – Елорданың тұңғыш баспасөз хатшысы. Ол жаңа Елорда баспасөзінің негізін қалаған азамат. Өмірден ерте өткен Елордалық дарынды қаламгер-журналистерді еске алып, еліміздің ең көрікті жерлерін аралайтын баспасөз саяхаттарын ұйымдастырушы. Керемет жобалардың жүзеге асуының басы-қасында болып, қаланың жетістіктері мен жеңістеріне куә болды. Оның қолында Елорданың алғаш қарыштап даму сәттерінен барынша мол мағлұмат беретін архив құжаттары сақталған. Көрікті және ертегі шаһар Елордамыздың тарихынан өзіндік орын алған азамат.

Жаңа астанамыздың жетістіктерін баспасөз беттерінде жариялағаны үшін Елбасы Жарлығымен «Қазақстанның Еңбек сіңірген қайраткері» құрметті атағын, Журналистика саласы бойынша Қазақстан Республикасы Президентінің грантын иеленді.

20-дан астам кітаптың авторы. Сол кітаптардың көпшілігі астана туралы. Олардың қатарында: «Көк Күмбезді Астана» = «Астана город Солнечной мечты», «Астана – Триумф Независимости страны» = «Астана – Жерұйығы елімнің», «Алғашқы астаналықтар» = «Первопроходцы Астаны» жинақтары, «Астана хикаялары» «Астана қаласы баспасөзінің шежіресі», «Астана –журналистикасының шежіресі». Онлайн кездесуді мына сілтеме арқылы тамашалай аласыздарhttps://www.youtube.com/watch?v=Y7n1JaKXVT4. 

• < Артқа
• Алға >