Журналист жолы

2022 жылдың 21 ақпан күні кітапхананың ұйымдастыруымен журналистикада 30 жылдық тәжірибесі бар, көрермен көзайымына айналған белгілі тележүргізуші Зейін Әліпбекпен инстаграм @pushkinlibrary парақшасында "Журналист жолы" тақырыбында онлайн сұхбат өтті

Тележурналист Зейін Әліпбек 1973 жылы, 27 сәуірде Түркістан облысы, Отырар ауданында өмірге келген. 1995 жылы Әл-Фараби атындағы Қазақ ұлттық университетін тәмамдаған. Студент кезінен бастап журналистік еңбек жолында еліміздегі бірқатар бұқаралық ақпарат құралында түрлі қызметтер атқарған.
Зейін Әліпбек әр жылдары "Жеті күн" ақпараттық-аналитикалық бағдарламасының жүргізушісі және шеф-редакторы, "Бетпе-бет" және "Yкімет пен әлеумет" бағдарламаларының шығарушы редакторы, Хабар" телеарнасының ақпараттық-аналитикалық бағдарламалар дирекциясының директоры, "Білім және Мәдениет" телеарнасы директорының орынбасары, "Астана ақшамы" газетінің бас редакторы-директор орынбасары, "Елорда ақпарат" ЖШС директорының кеңесшісі, ҚР вице-премьері-ҚР ауыл шаруашылығы министрінің кеңесшісі, Бараев атындағы астық шаруашылығы ғылыми-өндірістік орталығының бас директорының кеңесшісі қызметтерін атқарды.
ҚР президентінің бұқаралық ақпарат құралдары саласындағы грантының, "Қазақстан Республикасының Тәуелсіздігіне – 20 жыл" мерейтойлық медалінің, ҚР Мәдениет және ақпарат министрлігінің "Мәдениет қайраткері" төсбелгісінің иегері.
Тележүргізуші - бұл телеарнаның бет-бейнесі, оның брендін қалыптастыратын және көрерменмен тікелей байланысатын адам. Телевизия – нағыз айна. Көрерменді ілестіріп отыру, жаңалықты тұщымды түсіндіре білу үлкен жұмыс.
Тікелей эфир барысында жалпы журналистика мамандығына қатысты сұрақтар көтерілді. Эфир қонағы журналист мамандығының қызығы мен қиындығы туралы тәжірибе барысында түйгендерімен бөлісті.

 Байланыс тел.: Кемешева Меруерт Нигметолдановна,87052819343

• < Артқа
• Алға >