«Көктемді кітапханамен бірге қарсы ал!»: көктемнің мерекелік аптасы

Сіз ару КӨКТЕМДІ қалай қарсы аласыз?
Биылғы көктемді ерекше қарсы аламын десеңіз: Пушкин кітапханасымен жақындарыңызға шынайы көңіл-күй, балаларға – жарқын мереке сыйлаңыз!
Наурызда Сізді кітапханада қызықты да музыкалық тосынсыйлар күтеді!

1 наурызда біз ерекше мәні бар әрі рухани қуанышқа толы мереке – Алғыс айту күнін атап өтеміз. Бұл күні кітапхана қонақтарын «Алғыс айту – асыл қасиет» / «За все тебя благодарю» атты ауқымды әдеби көрме-экспозициясымен қарсы алады. Онда қызықты әрі жан тебірентерлік оқиғалар мен өткір де терең мағыналы өлеңдерге толы кітаптар мен журналдар ұсынылған. Көрмеден бүкіл өмірін халқына арнаған көрнекті жазушы Мұхтар Әуезовтің кітаптары; қазақстандық әдебиеттанушы, публицист және аудармашы Герольд Бельгердің рухани туыстық пен түрлі мәдениеттердің бірлігі, қазақша сөйлеудің өзіндік ерекшелігі мен тіл байлығы, мәңгілік үйлесім туралы очерк-эсселері де орын алған... Осы авторлардың кітаптарынан алынған үзінділер 1 наурыз күні сағат 15.00-де қазақ және орыс тілдерінде жазылатын «Естелік хаттар» әдеби диктантына таңдалып алынды.

Егер осы күні Сізге «Кімге алғыс айтар едіңіз?» деген сауал қойылса немесе Оқырмандармен мерекелік бейнесұхбат және фотосессия бағдарламасы аясында «Естелік суретке» түсу ұсынылса таңқалмаңыз.

Сондай-ақ, апта бойы оқырмандарды келесідей қызықты да пайдалы шеберлік-сағаттары күтеді:
– дизайн және фотошоп: «Құттықтау ашықхаты», «Бейнеқұттықтау», «Айшықсыз суреттер», «Өз аватаркаңды жаса», «Ертегі кейіпкері».
– қолөнер және тігін: эко-сөмке – шопперлердің үлгісін жасау және тігу, сублимациялық басып шығару технологиясын игеру, Канзаши техникасында аксессуарлар жасау, Ализе Пуффи тоқуы.

5 наурыз күні «В кругу друзей» клубының мерекелік бағдарламасы мен жас оқырмандарымыздың қатысуымен өтетін концертті тамашалаңыздар.

Баршаңызды көктемді Пушкин кітапханасымен бірге қарсы алуға шақырамыз!

Байланысшы: Ашкенова Ж.
87076405870

• < Артқа
• Алға >