Инклюзивті қоғамды құруға және дамытуға бағытталған жастар бастамалары

2022 жылдың 24 мамырында кітапхана «тең-теңімен» қағидатымен инклюзивті қоғам құру негіздері бойынша жастарға арналған семинар-тренинг өтті. Бұл елімізде 2022 жылдың 1 сәуірінен бастап іске асырылып келе жатқан «Инклюзивті қоғамды құруға және дамытуға бағытталған жастар бастамаларын қолдау» жобасы шараларының бірі.

Жоба инклюзивті қоғамды қалыптастыруға, осал топтарды стигматизациялау деңгейін төмендетуге, мүмкіндіктері шектеулі адамдардың мүмкіндіктер теңдігі, әлеуметтік, экономикалық және саяси өмірге белсенді қатысу мәселесі бойынша диалог ұйымдастыруға ықпал етуді қолдайтын ҚР Ақпарат және қоғамдық даму министрлігінің ҮЕҰ-ға арналған мемлекеттік гранты шеңберінде жүзеге асырылады.
Жоба қызметінің басым бағыты – адамдардың осы санатымен: мүгедектігі бар балалармен, жастармен және ересектермен өзара іс-қимыл этикасы жөніндегі науқанды жүйелі түрде өткізуге негізделген мүмкіндігі шектеулі адамдарға төзімділіктің жоғары деңгейіне қол жеткізу. Жоба кемінде 100 000 мақсатты топты қамтуды жоспарлап отыр. Оның қызметі аясында 14 облыс пен Нұр-Сұлтан, Алматы, Шымкент қалаларының жастарына арналған оқыту семинар-тренингтері, инклюзивті мектептер мен ЖОО/ ООО психологтарына арналған «Инклюзивті жастарды білім беру мекемелеріне психологиялық сүйемелдеу» тақырыбында интерактивті дәрістердің онлайн-курсын әзірлеу, «Инклюзивті қоғам: іргелі негіздер, мәселелер және шешімдер» тақырыбында онлайн семинар-тренингтер сериясын өткізу, инклюзивті жастармен жұмыс істейтін мамандар үшін инклюзивті жастармен жұмыс этикасы бойынша әдістемелік ұсынымдарды әзірлеу және тарату, сондай-ақ мүмкіндігі шектеулі жастарға жыныстық тәрбие негіздері бойынша қосымша әзірлеу жұмыстары ұйымдастырылды.
Жоба «Қорған-М» Қоғамдық Бірлестігімен Өскемен қаласының Жастар ресурстық орталығы, А.С. Пушкин атындағы ШҚО кітапханасының және еліміздің білім беретін оқу орындары өкілдерінің серіктестік қолдауымен жүзеге асырылуда.

Байланыс: WhatsApp - +7 (702) 947 00 7

• < Артқа
• Алға >