«Тарбағатайдың тұғырлы тұлғасы» кітабының тұсаукесері

15 шілде сағ 10.00-де А.С. Пушкин атындағы облыстық кітапханада «Тарбағатайдың тұғырлы тұлғасы» кітабының тұсаукесері өтеді.

Естелік, эссе, баспасөз, мұрағат материалдары, шежіре негізінде жазылған жинаққа Тарбағатай ауданының Құрметті азаматы, көрнекті тұлға, асыл жар, ардақты әке Шәйкен Ыбырайымұлы Нұразхановтың өмірі мен қызмет жолы туралы ақпараттар топтастырылған.
Шәйкен Ыбырайымұлы еңбек жолын ұстаздықтан бастаған, ауданда партия комитетінің төрағасы, аудандық партком хатшысынан бастап, облыстық жоғары қызметтердің тұтқасын ұстаған, еліне елеулі еңбек етіп, халқына қалаулы азамат болып ел есінде өшпестей орын алған, ауыл азаматтарының бірі де бірегейі.
Халқының ықылас құрметіне бөленген тұғырлы тұлға туралы тәмсілдер, оның адамдық бекзат болмысын кісілік келбетін барынша жарқыратып көрсеткен. Жинақ ішіндегі сирек суреттер шоғыры кітап мазмұнын аша түскен. Кітап әр кезеңде, өз қоғамында ел санаты болған айтулы азамат туралы тағылымды толғаныстардан тұрады.
Құрметті өскемендіктер, кітапсүйер қауым, жаңа кітаптың тұсаукесерінде баршаңызды күтеміз!

Байланыс тел.: 26-13-33 (123)
Байланысшы: Зұлқаршын Г.З.

• < Артқа
• Алға >