Тәуелсіздігіміздің бойтұмары – Астананың күні ел өміріндегі тарихи оқиғалар тізбегінен орын алатыны анық.  Өйткені Астана жай қала емес. Бұл еліміздің бүкіл тарихын, бүкіл болмыс-бітімін бойына сіңірген аспанмен астасып жатқан ертегілер елі.
Мереке қонақтары елордамыз туралы әдебиеттер көрмесімен танысып, виртуалды саяхат жасап, Астананың тарихына байланысты ойын-викторинаға қатысты. Сондай-ақ, балалар самрұқ құсы туралы аңызды тыңдап, «Бәйтерек», «Хан-шатыр» көріністерін пазлмен жинап, асфальтта сурет салды. Қала мектептерінің бастауыш сынып оқушылары флешмоб жасап, ән салып, би-билеп өнерлерін көрсетті. Елордамызбен елбасының туған күнімен құттықтауға ән-шашуларын алып,  "Қазына" ансамблі келді.
Сондай-ақ кітапхана жерлестерімізге Астана Күніне орай QR-кітапхана ұсынды. Әдемі безендірілген QR-сөрелерде Астана туралы кітаптар, бейнероликтер мен әндер; елбасымыз Н. Назарбаевтың еңбектері орналасқан.
Кітапхана шеберлері В.А. Сачков пен Л.М. Елікбай мереке қонақтарына қолданбалы өнердің бірнеше түрлерінен (сурет салу, саз-балшықтан бұйым жасау, бисермен сәнді бұйымдар жасау т. б.)мастер-класстар өткізді.  

Осы күні Астанаға виртуалды саяхат жасап, кітапхананың ақпараттық ресурстарымен танысуға әскери қызметкерлер де келді. Олар "Қазақ хандығының 550 жылдығы", "Бір ел - бір кітап 2015" акциясы аясында І.Есенберлиннің "Көшпенділер" трилогиясы бойынша ақпараттық сабаққа қатысты.