«Ата заңға адалдық»

24 тамызда кітапхана мамандары металлургтер мәдениет Сарайында Ахмер гарнизоны әскери бөлімінің «Ата заңға адалдық» акциясына қатысып қайтты.
Жастар интеллект-орталығының жетекшісі Емельбаева Меруерт және библиограф Дурдыева Гузаль жерлестерімізді ҚР Конститутциясының 20 жылдығына арналған "Қадірін Ата Заңның білеміз бе?» әдебиеттер көрмесімен, сондай-ақ, қазақ халқы мен мемлекеттілігі қалыптасуының белгілі бір кезеңдеріне арналған «Қазақстанның тарихи ғұмырнамасы» көрмесімен таныстыды.

Әдебиеттер көрмесі ежелгі Қазақстан тарихына саяхаттан басталып, Қазақстанның қазіргі таңдағы Конститутциясы мен қазақтың ежелгі дәстүрлі заң жүйесінен бастап, бүгінгі күнге дейін жетіп отырған Қазақ хандығы тұсындағы Дала заңдарына Шыңғыс ханның «Жасағы», Қасым ханның «Қасқа жолы», Есім ханның «Ескі жолы» және Тәуке хан дәуіріндегі қабылданған «Жеті жарғы» заңдары туралы мағлұматтар берді.
Сонымен қатар әскери қызметкерлер Қазақстан халықтары Ассамблеясының 20 жылдығына, ұлы Жеңістің 70 жылдығына арналған кітап көрмелерімен танысып, облыстық кітапхананың қызметі мен ресурстары туралы ақпарат алды.

• < Артқа
• Алға >