Бүкіләлемдік рухани келісім күні

2016 жылы ел тәуелсіздігінің 25 жылдығын атап өтілмек. Тәуелсіз Қазақстанның қалыптасу кезеңі жыл сайын атап өтілетін, 18 қазан – ұлтаралық татулық пен рухани келісім күнімен тығыз байланысты.

1992-ші жылы қазанда Алматы қаласында Бүкіләлемдік Рухани келісім конгресінің 1-ші сессиясы өтті. Конгреске қатысушылар қазанның 18-ін рухани келісім күні - қақтығыстар мен жанжалдарға шектеу қою, татулыққа талпыну, жақын адамдарға қайырымдылық пен жәрдем жасау күні деп жариялауға шақырған манифест қабылдады. 1992-ші жылдан бастап бұл күн Қазақстанда ұлттық мейрам ретінде атап өтіледі. Осы айтулы мерекеге орай біздің кітапханада «Рухани келісім күні» атты кітап көрмесі ұйымдастарылды.
Көрмеде сенімі әрқалай, қаншама ұлт пен ұлыстың, халықтар мен диаспоралардың діні, мәдениеті, салт –дәстүрінен сыр шертетін кітаптар мен журналдар қойылған.
Қазақстан Републикасының Ата заңының 14-бабында «Тегіне, әлеуметтік, лауазымдық, мүліктік жағдайына жынысына, нанымына, тұрғылықты жеріне байланысты немесе кез келген өзге жағдаяттар бойынша ешкімді ешқандай кемсітуге болмайды.»-деп атап көрсетілген.
«Ізгілікті үнқатысу = The blessed dlalogue = Благословенный диалог» атты Астана қаласында өткен Әлем халықтары дін өкілдерінің бірінші сьезіне арналған түрлі-түсті фотоальбом, дін тарихы мен таралу аумағынан сыр шертетін »Қазақстандағы діндер» оқу құралы, әлем діндерінің тарихы мен ерекшеліктері туралы кітаптар оқырмандар қызығушылығын туғызары сөзсіз.
Бүгінгі күні әлем назарын өзіне аударып отырған лаңкестік пен діни экстремизмге Ислам дінінің қарсы екенін айғақтайтын, «жиһад», «радикализм» секілді күрделі ұғымдарға талдау жасалған кітаптар бір төбе.
Ұлтымыз бен діни сенімге қарамастан барлығымызды біріктіретін күш — қоғамдағы тұрақтылық пен келісім. Бейбітшілік бар жерде береке жүретінін тарих дәлелдеп отыр. Жақсылық, ізгілік, мейірімділік сынды ізгі қасиеттерді ұлықтай отырып, «Біз – бір елміз, біртұтас халықпыз» деп айту әбден орынды. Мереке құтты болсын!

Байланысшы: Слямова З.М.

• < Артқа
• Алға >