«Әсем әуен» клубы

15 қазан күні кітапханамызда музыканы сүюшілерге арналған «Әсем әуен» атты жаңа клубтың тұсауы кесілді. Жетекшісі Мұқан Төлебаев атындағы әншілер сайысының бас жүлдегері, әнші, кітапханамыздың қызметкері Перкова Гүлнар Қайырбекқызы. 
Клубтың бірінші кездесуі аса көрнекті сазгер, қазақ вальсінің королі, әнұранның музыкасын жазған Қазақстанның халық әртісі – Шәмші Қалдаяқовқа арналды.

Кеш барысында Шәмші ағамыздың өмірі мен шығармашылығы жайлы толық ақпарат беріліп, көрермендермен бірге композитордың әндері шырқалды. Сонымен қатар кешке «Қазына» әжелер ансамблінің мүшелері қатысып, Ш. Қалдаяқовтың «Арыс жағасында», «Қайықта», «Әнім сен едің» атты танымал әндерімен қатар «Еркежан» сияқты халық арасында көп орындала бермейтін әні де орындалды.
Клубтың келесі кездесуі Абай мен Пушкиннің әндеріне арналады. Барлықтарыңызды кездесуге шақырамыз.

Байланысшы: Құдайбергенова Н. К.

Тел: 26-13-33

• < Артқа
• Алға >