Біріккен Ұлттар Ұйымына 70 жыл

19 қарашада кітапханада БҰҰ-ның 70 жылдық мерейтойына арналған "Мықты БҰҰ тұсында әлем жақсарады" атты әдебиеттер көрмесі ашылды. «БҰҰ-ның мақсаттары әсіресе біз сияқты көпұлтты мемлекеттерге жақын . Ұлттар қоғамдастығы арқылы Қазақстан жалпы адамзат қауымының проблемаларын шешуде өз үлесін қосуда" деген елбасымыздың  БҰҰ-ның 70 жылдық мерейтойында сөйлеген сөзін  ШҚО әкімінің орынбасары Жақсылық Омар Мұқашұлы өз  сөзінде айтып өтті.

Тұсаукесерде Қазақстандағы БҰҰ  даму бағдарламасының  координаторы Малика Қоянбаева сөз алып, «Ауылдық онлайн-орталықтар» және «Кедергісіз  кітапхана » сияқты бірлесіп іске асырған ауқымды жобалар, БҰҰ-ның мерейтойына арнап ұйымдастырған  әдебиеттер көрмесі үшін  кітапхана ұжымына  алғысын білдірді.  Сондай-ақ  басқосуға қаламыздағы Ресей Федерациясы консулдығынан, Маңғыстау, Қызылорда облыстарынан қонақтар, мемлекеттік қызметкерлер, студенттер келді.

 Көрмеде БҰҰ-ның негізгі бағдарламалық құжаттары, 70 жыл ішіндегі қызметі мен жетістіктеріне арналған ақпараттар жинақталған. Мысалы, қызықты деректің бірі – БҰҰ 11 рет Нобель сыйлығына ұсынылған.

Әдебиеттер көрмесінің бір бөлімі БҰҰ мен біздің еліміздің өзара қарым-қатынастарына арналған. Бөлімде Қазақстанның БҰҰ мақсаттарының жүзеге асуына қосқан үлесі ғана емес, мемлекетіміздің өз мүддесін қорғау мәселесі туралы ақпараттар ұсынылған. БҰҰ-ның Шығыс Қазақстан облысында жүзеге асырылған бағдарламалары да қамтылған. БҰҰ бастамалары жайындағы мәліметтерді аналитикалық, анықтамалық, әдістемелік әдебиеттер толықтырады. Олардың ішінде «Устранение барьеров для повышения энергоэффективности коммунального теплоснабжению», «Достигнутые результаты и уроки реализации проекта ПРООН и Глобального экологического фонда в Казахстане», «Наращивание возможностей КСК для повышения эффективности жилых зданий. Справочная информация на каждый день» еңбектері берілген.
Көрмеде ұсынылған әдебиеттерді кітапхананың оқу залында және үйге алып оқуға болады. Көрмеге хош келдіңіздер!
Байланысшы: Ашкенова Ж.
т.: 261333

• < Артқа
• Алға >