Кездесуге «Алтын-Ай» ҚБ негізінде психоневрологиялық ауытқушылықтары бар балалар мен 18 жастан асқан тұлғаларға арналған «САД» жартылай стационарлық бөлімшесіндегі мүмкіндігі шектеулі балалардың ата-аналары болды.   «Алтын-Ай»  мүгедек әйелдер қоғамы бірлестігінің жетекшісі М.М.Мирвазетдинова және педагогтар бір жылдың ішінде атқарылған жұмыстарға анализ жасап, балалардың жеткен жетістіктеріне сондай-ақ, алдағы жылы жоспарға алынған проблемаларға тоқталды.  Ата-аналар  Мағиза Мубараковнаға ризашылықтарын білдіріп, Алғыс хат ұсынды.
Кітапхана мамандары Бахтылы Рахимбаева мен Сауле Шингалиева ата-аналарға 6 ай ішінде компьютерлік, ағылшын тілі, қазақ тілінен курстан өткен балалардың  жеткен жетістіктері туралы айтып берді. Сондай-ақ оларға кітапхананың қызметі мен ресурстары туралы слайдтар мен бейнероликтер көрсетілді.
Болашақта кітапхана  "Алтын-ай" мүгедек әйелдер қоғамдық бірлестігімен қызметтестігін одан әрі жалғастырып, әлеуметтік-психологиялық оңалтуға бағытталған іс-шараларды ұйымдастыруда қолдау көрсетуге әрқашанда дайын.