Кірістірме сабақ: Құмырсқа жұмыскер жәндік

3 ақпан күні Оралхан Бөкей атындағы №44 мектептің химия-биология пәнінің мұғалімі Үміт Қызырқызы кітапханамен бірігіп «Құмырсқа жұмыскер жәндік» атты кірістірме сабақ өткізді. Ашық сабаққа осы мектептің басқа да ұстаздары келіп қатысты. Сабақтың мақсаты: кішкентай жәндік құмырсқа арқылы балаларды солар сияқты еңбекқор, ұйымшыл, төзімді, ақылды болуға шақыру еді. 

Үміт Қызырқызы сабақ барысын түсіндіріп, жалпы құмырсқалар туралы ақпарат берді. Кейін кітапханашы Құдайбергенова Нұргүл кітапханадағы мол ақпарат көзін және Интернет желісін пайдалана отырып құмырсқа жайлы басқа да қызықты ақпараттар берді. Ал, кітапхананың ағылшын мәдени орталығының кітапханашысы Сұлтанова Әсел ағылшын тілінде құмырсқа туралы балаларға сұрақтар қойып, 3D қаламмен, түрлі түсті ермексазбен, сымдармен құмырсқаларды жасатты.

Сабақ барысында балалар 3 топқа бөлініп, құмырсқа туралы білген ақпараттарын айтып жарысты. Қорытындылау кезінде оқушылар стикерлерге жазу арқылы  сабақтың өте қызықты және пайдалы болғандарын айтты. Қатысқан оқушылардың барлығы кітапхана оқырмандары болып жазылды. 

• < Артқа
• Алға >