"Қызым саған айтам" клубындағы басқосу

12 ақпанда Жастар интеллект орталығында жаңа бірлестіктің ашылуы өтті. Бұл клуб тек қыздарға арналады. Дастархан басында жиналғандар жаңа клубтың алдағы жоспарларын талқылады. Іс-шараға қатысқан аға-буын өкілдері  кітапхананың достары "Қазына" ансамблінің мүшелері кітапхана мамандарымен бірлесіп жұмыс істеп жастарға өз тәжірибелерін үйретуге тілек білдірді.

«Қыз өссе – елдің көркі» деп бабаларымыз айтқан өнегелі сөздің астарында «елге көрік болатындай өссе екен» деген ізгі тілек жатқандай. Ата-салтын, әдет-ғұрпын ақыл-таразысына салып,  ана әлдиінен нәр алған,  қазақ аруларының бойындағы бар асыл қасиет қазіргі бойжеткен, жасөспірім қыздарымыздың бойтұмарына айналуға тиіс. Жаңадан ашылған клубта кітапхананың бай әдебиеттер қоры,  апа-әжелеріміздің ақыл-кеңестері, әдеби басқосулар барлығы да сұлу бойжеткендеріміз үшін. Келесі басқосу 8 наурыз мерекесі қарсаңында өтеді.  Ақпараттар кітапхана сайтында беріліп отырады. Хош келдіңіздер!

Байланысшы: Ашкенова Жансая

Тел.:26-13-33 

• < Артқа
• Алға >