Кітап сыйлау, махаббат сыйлау...

14 ақпанда әлемде айрықша акция – Халықаралық кітап сыйлау күні өтеді. Оның мақсаты қарапайым және мейірімге толы – ЖАҚСЫ КІТАП СЫЙЛАУ! Егер қолыңыздан келсе, басқа да адамдарды осындай іс-әрекетке ұйымдастырып, шабыттандыру. Кітапты досыңа немесе отбасы мүшесіне сыйға тарту. Осы мерекеге орай біздің кітапханада мерекелік іс-шара өтті.

Бұл мерекелік кеште әркім өзінің сүйікті кітабы, авторлары жайында айтып, кітапхана ұжымы кереметтей сыйлық ретінде дайындаған кітаптарға ие болды. Бұл мерекенің маңызы бір-бірімізге кітап қана сыйлап қоймай , онымен бірге барлық жақсы лебіз тілектеріңді білдіру.
Кеште өзінің өнерімен тәнті еткен өнерпаздар да жетерлік. Олар: КАСУ-нің «Кітапханашы» факультетінің бір топ студенттері және қалалық «Көңілді тапқырлар» клубының жастары, мүмкіндігі шектеулі жандар, кітапхана оқырмандары. Бүгінгі кеште сыйлықсыз қалған адам жоқ шығар сірә. Өнерпаздардың әр қайсысына да кітап сыйға тартылды.
Кітап оқиық, сыйлайық! Біздің кітапханамен бірге болыңыздар.
Барлықтарыңызды шын жүректен осы мерекемен құттықтаймыз!

• < Артқа
• Алға >