3D үлгілеу үйірмесі

Кітапхананың Жастар интеллект орталығындағы «3D үлгілеу» үйірмесі енді тереңдетілген түрде жүретін болады. Енді қатысушылар заттарды 3D сканерден өткізіп немесе арнайы сайттардан алынған дайын өнімдерді басып шығарып қана қоймай, өз ойларынан шығарған үлгілерді басып шығаратын болады. 3D режимде үйлерді тұрғызып оны жиһазбен безендіретін дизайнерлік Swect Home 3d, ландшафт пен фасадты безендіріп, мультипликациялық анимация жасайтын Google Sketch Up, жарнамалық графика жасайтын Bryce 7, морфинг, яғни, бір бейнені екінші бейнеге айналдыру арқылы бейнежазба түсіретін Smartmorph графикалық бағдарламасын

(мысалы сұлу қыздың бейнесін мысықтың бейнесіне айналдыру) т.б. меңгеретін болады. Бұл бағдарламалардың барлығы Интернет желісінде пайдаланушыларға тегін ұсынылады. 

Үйірмеге алғаш келген жастардың бұл бағдарламаларға деген қызығушылықтары өте жоғары екені байқалады. Үйірмені жүргізетін –бағдарламалаушы, тәжірибелі ұстаз Мельников Валерий Юрьевич.
Үйірмеге келіңіздер! Бағдарламалар мен үлгілерді бірге жасайық!
Бізден – ең заманауи 3D-принтер мен сканер,
Сіздерден – шығармашылық ойлау, қол еңбегі мен жұмыс істеу қабілеті!

• < Артқа
• Алға >