Ауған ақиқаты

23 ақпан күні Оралхан Бөкей атындағы №44 мектеп-лицейінде кеңес әскерінің Ауғанстаннан шығарылғанына 27 жыл толуына орай «Ауған ақиқаты» атты кездесу өтті. Бұл іс-шараға А. С. Пушкин атындағы облыстық  кітапхана қызметкерлері Слямова Зиза Мұхтарханқызы мен Құдайбергенова Нұргұл осы тақырыпқа орай кітап көрмесін апарды. Көрменің мақсаты - жастарды отансүйгіштікке, ерлікке тәрбиелеу, Ауған соғысы ардагерлеріне құрмет көрсету және олардың ерлігін ұрпақ жадында қалтыру. Көрмеге шолу жасалып,  оқушылар мен ұстаздарға "Ауған соғысы" атты деректі фильм мен слайд көрсетілді.

ҚАЕУ-нің "Кітапхана ісі" факультетінің студенттері Амантаева Ақмарал Ауған соғысы жауынгерлеріне арналған ашық хаттармен таныстырып, Қасымова Әсем осы тақырыпта өлеңдер оқыды. Жауынгерлердің ерліктеріне арналған патриоттық әндер шырқалды. Сонымен қатар оқушылар Ауған соғысына қатысқан 3 ардагер азаматпен кездесіп, сұхбаттасты.

• < Артқа
• Алға >