Алғыс Күнімен!

Биылдан бастап 1 наурыз күнi жаныңызға жылулық сыйлайтын қасыңыздағы жақындарыңызға алғысыңызды бiлдiресiз. Бұл күн ендi «Алғыс айту күнi» деп аталады.
Бұл мереке Елбасының Қазақстан халқы Ассамблеясының 22-сессиясында көтерген бастамасы негізінде белгіленген болатын. Қуғын-сүргін жылдары мыңдаған шешен, ингуш, кәрістер мен еврейлер секілді тегі бөлек, тілегі бір жандар Қазақ даласынан пана тапты. Олар сол сұрапыл кезеңде бауырына басқан мейірбан халықтың кеңпейілділігін ұмытпайтындарын айтады. Кітапханамызда «Алғыс айту» күніне байланысты көрме ұйымдастырылды.

Көрмеде Қазақ даласынан пана тапқан әрбір ұлттың қазақ елінде бейбіт те, бірлікте өмір сүріп жатқан ұлттардың қазақ еліне қалай қоныс тапқаны жайлы толық мағлұматтар беретін дерек көздері шоғырланған еді. Әрбір келген оқырманмен бүгінгі күннің ерекшелігі жайында атап өтіп көрмеде тізбектелген кітаптар мен таныстырып өттік. Дүниеде тәуелсіз қазақ елі бар; Әлемде Егемен Қазақстан бар; Оның көп ұлтты, тату, ынтымақшыл халқы бар; Қуатты экономикасы, сенімді саяси жүйесі бар; Ең бастысы — бүгіннен нұрлы, бүгіннен кемел болашағы бар.
Көктемнің шуақты күнімен тұспа-тұс келген Алғыс айту күнінде қазақ елінде тату –тәтті, бірлікте қазақ елінде шат-шадыман көңіл күйде болайық деп алғысымызды жаудырдық.

• < Артқа
• Алға >