"Кітапхана ісі" номинациясы бойынша сыйлық

Мәдениет және өнердің дамуына үлес қосқан мәдениет саласының қызметкерлері - әртістер, музыканттар, суретшілер, жазушылар мен ақындар, мұражай мен кітапхана қызметкерлері жыл сайын берілетін ШҚО әкімінің сыйлығымен марапатталды. Марапаттау рәсімі Шығыс-Қазақстан облыстық драма театрында Шығыс Қазақстан облыстық мәдениет және мұрағаттар басқармасының 2015 жылдың қорытындысы бойынша алқа жиынында өтті.

Кәсіпқойлығы мен жауапкершілігі ақпараттық технологиялар, кітапхана ісіне қосқан еңбегі үшін Пушкин атындағы кітапхананың ақпараттық-библиографиялық қызмет көрсету Орталығының жетекшісі Харламова Наталья Борисовна марапатталды.
Наталья Борисовна еңбек жолын алғашқы күннен бастап А.С. Пушкин атындағы кітапханада бастаған кітапханашылардың бірі. Харламова Н.Б – Челябинск мәдениет институтының түлегі, ақпаратпен сауатты жұмыс істеуде библиография саласының жетік маманы.
«Біздің Абай» толықмәтінді электрондық кітапханасы мен «Қайым Мұхамедханов» электрондық библиографиялық көрсеткішін құрудағы Наталья Борисовнаның еңбегін ерекше атап өткен жөн. Ол кісінің күнделікті еңбегі кітапхананың алға дамуына бағытталады.Кітапхана ұжымы Наталья Борисовнаны лайықты марапатымен құттықтап, еңбегіне жеміс, барлық бастамаларына шығармашылық табыс тілейді. Н.Б.Харламовамен интервью.

• < Артқа
• Алға >