Наурыз мерекесіне арналған «Не? Қайда? Қашан?» зияткерлік ойыны

Наурыз мерекесі қарсаңында кітапханада жиналған жастар арасында «Не? Қайда? Қашан?» зияткерлік ойыны өтті. Ойын сұрақтары Наурыз мерекесі мен қазақтың салт-дәстүрлеріне байланысты болды. Мысалы: Не себепті Наурыз түні қос шырақ жағылады?; «Наурызша» дегенді қалай түсінесіңдер?; Киіз үйдің қандай түрлері бар?; Қос қолдап амандасып, төс соғыстырудың қандай мәні бар? деген әдет-ғұрыптар мен «Жаңа туған Наурызды шомылдыру»,«Қабақ сындыру», «Босаға майлау», «Біз шаншар»,«Шілде қаққан», «Сүйіндір» ж.т.б салт-дәстүрлері туралы сұрақтар қойылды.

Халықтық салт-дәстүр – мәдени және адамгершілік қарым-қатынастағы ең қымбат қазына, ұрпақ тәрбиесінің өзекті арқауы. Сондықтан бүгінгі ойыннан жастар өздеріне тәрбиелік сабақ алды, көптеген қазіргі кезде ұмыт бола бастаған салт-дәстүрлермен танысты.

• < Артқа
• Алға >