Олимпиада чемпионы Серік Сәпиевпен кездесу

1 сәуір күні сағат 15.00-де қаламыздың жастары кітапханада танымал боксшы, Олимпиада чемпионы Серік Сәпиевпен кездесті. Серік Жұманғалиұлы Сәпиев - боксшы, олимпиада чемпионы, халықаралық спорт шебері, Қазақстан Республикасы еңбек сіңірген спорт шебері Қарағанды облысы Абай қаласында дүниеге келді. Е. А. Букетов атындағы Қарағанды мемлекеттік университетін бітірген.

Серік Сәпиев әуесқой бокстан Олимпиада ойындарының чемпионы , әлемнің екі дүркін чемпионы , күміс және қола медальдарының иегері, Азиада ойындарының жеңімпазы , Бейжің және Лондон Олимпиадасында бокстан құрама командасының капитаны.
Қазақ боксының ғана емес, әлем боксының жарық жұлдызына айналып үлген Серік Сәпиев 2012 жылы Лондон Олимпиадасының ең үздік боксышы атанып, Баркер кубогын қанжығасына байлады. Елімізде Василий Жиров (1996), Бахтияр Артаевтан (2004) кейін бұл кубокты Серік үшінші болып иеленіп отыр.
2012 жылы Серік Жұманғалиұлы Илья Ильинмен бірге «Халықтың сүйіктісі» республикалық қоғамдық сыйлығын «Құрметті жыл спортшысы» номинациясы бойынша алды. Спортшы 2013 жылдың 23 тамызынан бастап ЮНЕСКО-ның Спорт саласы бойынша ерікті елшісі болып табылады. Қазіргі таңда С. Сапиев 2010 жылы Қазақстан Бокс Федерациясы құрған Astana Arlans спорт клубының бас директоры.
2014 жылы Қарағанды облысының намысын қорғаған Сәпиевтер жанұясы «Мерейлі отбасы» республикалық ұлттық сайысында жеңіске жетіп, үздік отбасы болып танылды.
Серік Сәпиевтің ата-анасы 30 жыл бірге өмір сүріп жатыр. Әкесі Жұманғали Дауытұлы Сәпиев 68 жаста, зейнеткер. Зейнеттегі жұбайы Ириной Фоминичнамен 4 бала тәрбиелеп өсірген. Серік жұбайы Мөлдірмен бірге 3 бала тәрбиелеуде.
Танымал спортшымен кездесу әңгіме түрінде өтті. Кездесуге қаламыздың спортшылары, студенттер, мектеп оқушылары келді.

Байланысшы: Жансая Ашкенова, тел. 261333, ішкі. 119

• < Артқа
• Алға >