Қазақстанның үшінші жаңғыруы: жаһандық бәсекеге қабілеттілік

Осындай атаумен кітапхана оқырмандарына арнайы көрме ұсынып отырмыз. Президенттің осы жылғы Жолдауы - Өткен жылғы жолдауда Қазақстанның әлемнің дамыған 30 елінің қатарына қосылуы туралы көрсетілген міндеттерді орындау болып табылады. Кітапханашы Оразгалиева Назерке оқырмандарды кітап көрмесінің қасында қарсы алып, кітаптарға шолу жасап, жолдауды талқылауда.

Шекер Нұрғалымқызы, А.С.Пушкин атындағы ШҚ облыстық кітапханасының бас маман:

Мемлекет басшысы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауында адами капитал сапасын, халықтың білімі мен интеллектуалдық дамуын жақсарту жөнінде айтты. Ол IT-білім, қала мен ауыл мектептері арасындағы білім беру сапасы, үш тілді оқуға кезең-кезеңмен көшу мәселелері.
Осы мақсатты іске асыруға кітапханалардың да әлеуеті жеткілікті. Жақсы ақпараттық ресурсы мен Интернеті болған жағдайда кітапханалар қосымша білім және интеллектуалдық демалыс орны бола алады. Бүгінгі күнге тек қана 48 ауылдық кітапхана Интернетке қосылған, олар жергілікті халыққа Интернеттен ақпарат алу, құжатты электронды жеткізу қызметін, т.б. көрсетуде. Дегенмен, көптеген ауылдық кітапханалар әлі де Интернет желісіне қосылған жоқ, заманауи компьютерлік құралдармен жабдықталмаған. Ауыл адамдарының ақпаратқа қолжетімділігі қаламен салыстырғанда шектеулі. Бұл ретте, облыс Әкімі Д.К.Ахметов ауыл кітапханаларын Интернетке қосу туралы қаулы жариялады, бірақ өкінішке орай, жергілікті әкімшілік оны баяу жүргізуде. Сондықтан біз келешекте ауыл кітапханаларының барлығы жаңа да сапалы әдебиеттермен бірге Интернет желісіне қосылып, Елбасы Жолдауының басымды ойы – интеллектуалды даму ісін жандандыруға ықпал етеді деп сенеміз.
«Ағылшын тілін меңгермей, Қазақстан жалпы ұлттық прогреске жете алмайды», - деп Елбасы Жолдаудың екінші маңызды бағытын атады. Бұл ретте, әлем тілдеріндегі электрондық ресурстарды қолдану үшін біздің кітапхана шет тілдерін игеруге көмектесіп, ақпаратқа қолжетімділікті қамтамасыз етеді.
Кітапханалар халқымыздың рухани және интеллектуалдық дамуы, толеранттылығы мен патриотизмін қалыптастыру бағытында көптеген іс-шаралар ұйымдастырады. Сондықтан, кітапханалар еліміздің жаһандық бәсекеге қабілетін көтеру мақсатындағы мемлекеттің халықпен идеологиялық жұмысына қолдау беретін орталық бола алады.

Контакты: Валентина Райхель, тел.261 333,вн.113

• < Артқа
• Алға >