Аутизм мәселесіне арналған басқосу

«Кедергісіз кітапхана» жобасы аясында 2 сәуірде кітапханада дөңгелек үстел отырысы өтті.Басқосуға коммуникативті ауытқуы бар балалар мен ересектермен жұмыс істейтін мамандар және осы балалардың ата-аналары қатысты. Қонақтар ең алдымен кітапханның барлық бөлімдерімен, ерекше қажеттілікті қажет ететін оқырмандарымызға арналған ресурстар мен қызмет түрлерімен танысты.

Балалар мен ата-аналары Шеберлер мектебіндегі саз-балшықтан жасалған бұйымдарға таңырқай қызыға тамашалады. Қазақстан республикасының 25 жылдығына орай ұйымдастырылған «Еркін елдің кемел тұлғалары» әдебиеттер көрмесімен танысты.

 Дөңгелек үстел отырысын директордың орынбасары Шагиева Бибигуль Жамбықызы ашты. Бүкіләлемдік аутизм мәселесі туралы ақпарат тарату күні жыл сайын 2 сәуір күні атап өтіледі. Аутизммен ауыратын балалар санының күрт өсуіне алаңдаушылық танытқан БҰҰ Бас Ассамблеясы 2008 жылы 21 қаңтарда қаулы шығарған еді.

Аутизмді  ерте диагностикалап, тиісті сараптама жасап, емдеудің адам өмірі өте маңызды.Балаларды емдеу үшін арнайы психологиялық түзету жеке бағдарламалары пайдаланылады.

Дүниежүзілік денсаулық сақтау ұйымының мәліметтері бойынша, шамамен 67 миллион адам аутизм дертіне шалдықса, 150 баланың 1 осы аутизммен өмір сүруде. Балалар аутизмінің күнен-күнге өсіп отырғаны байқалады.

Аутист-балалар айналасындағы әлемді қалай көреді?Олар ол туралы не біледі?Неге олардың көпшілігі математика, музыкадан  қабілетті және көп жағдайда олардың көпшілігі күнделікті өмірде қарым-қатынас, тілдесуде қиындықтарға кездеседі. Кездесу барысында осы мәселелер талқыланып, врач-психиатр С. И. Королева, «Ақ Тай» мүмкіндігі шектеулі балаларға қолдау көрсету Қорының жылқы терапиясымен емдеу инструкторы Е.А. Руденко, «Блисс» психологиялық орталығының директоры А.П. Мерсиянова қатысады. Мамандар сөз алып, кеңестер берді.  

Байланысшы: Жансая Ашкенова, тел. 261-333, ішкі 119

• < Артқа
• Алға >