Кітапханада шахматтан турнир өтеді

23-24 сәуірде кітапханада Қазақстан Республикасы Тәуелсіздігінің 25 жылдығына арналған жедел шахматтан (рапид) турнир өтеді. Турнирге 8,10,12 жас аралығындағы балалар мен жасөспірімдер қатыса алады.

Шахмат – ертеде пайда болған танымды да, қызықты спорт ойыны. «Корольдер ойыны» деп те аталады. Нағыз ақыл-ой спортының  пайдалы тұстары ертеден-ақ белгілі. Шахмат адамды жылдам ойлауға, тез шешім қабылдау мен бірінші қадам жасауға үйретеді. Тақта үстіндегі ойынның өміріңе де сабақ болар тұстары жетерлік.. Ал ең бастысы, шахмат – адамның логикалық ойлау қабілеті мен есте сақтау қабілетін жақсартады.

Үш жылдан астам уақыт А.С.Пушкин атындағы кітапханада «Чемпион » шахмат клубы жұмыс істейді. Жас ерекшелігіне қарамай балалар, жасөспірімдер, үлкен кісілер клубқа жазылып, шахмат үйрене алады. 2015 жылдың қыркүйек айынан бастап, клубты спорт шеберлігіне кандидат Болат Нышанбаев жүргізеді.
Кітапханада шахматтан жарыстар, шахматты, салауатты өмір салтын насихаттау, қаламыздағы талантты жас ойыншыларды анықтау үшін өткізіледі
Турнир айналым жүйесі бойынша өткізіліп, жеңімпаздар ұпай саны бойынша анықталады. Жеңімпаздар 1-3 дәрежедегі дипломдармен марапатталып, оларға сыйлықтар табыс етіледі.

• < Артқа
• Алға >