Ақын рухымен тілдесу

3 маусым күні  кітапхана ауласындағы ақын ескерткіші маңында «Пушкинді бірге оқиық!» акциясы өтті.  Акцияға келген  қонақтарымыз  Ресей Федерациясының Өскемендегі бас консулы С. В. Анненков, Мәдениет, мұрағаттар және құжаттама басқармасының бас маманы Г. Омарова, Шығыс Қазақстан өнер мұражайы, Қазақстан халқы Ассамблеясы жанындағы Орыс мәдени орталығының  төрағасы Н.В. Зайцев,  ШҚО өнер мұражайы директорының орынбасары Шарабарина Т.Г. акциямен құттықтап, ақын ескерткішіне гүл шоқтарын қойды.

Іс-шараға жерлес жазушылар, студенттер,  тұрақты оқырмандарымыз келді. басқосудың екінші бөлімінде барлық қатысушылар үшін «Еркін микрофон» ұсынылды. Қонақтарымыз белсене қатысып, ақын қаламынан туындаған өлеңдерді  қазақ, орыс, ағылшын, неміс тілдерінде оқыса, зейнеткер,  тұрақты оқырманымыз Джаниярова Айгүл ақынға арнап шығарған "Памяти Александра Сергеевича Пушкина" деп аталатын жыр шумақтарын ұсынды.
Орыстың ұлы ақыны Александр Сергеевич Пушкин есімі балалық шақтан-ақ баршамызға таныс. Оның шығармашылығын Абай Құнанбаев та жоғары бағалаған. Пушкин Абай арқылы қазақтың жүрегіне жол тапты.
Қос ақынның шығармашылығы шекараны білмейді. Ол барлық жастағы адамдарға, барлық ұлтқа және барлық заманның адамдарына ортақ және бірнеше тілге аударылған. Олардың шығармашылығы, өлеңдері, поэмалары ешқашан өзінің маңыздылығын жоғалтқан емес. 

Ақын ескерткіші маңында "Пушкин рухымен тілдесу!" атты әдебиеттер көрмесі ұйымдастырылып, аулада демалып отырған жерлестеріміз ақын кітаптарын парақтаса, кітапхананың медиатека бөлімінде Джаниярова Айгүл апамыз кішкентай оқырмандарымызға Пушкин ертегілерін оқып беріп, ертегі әлеміне саяхаттады.

• < Артқа
• Алға >