Біз нашақорлыққа қарсымыз

Халықаралық нашақорлықпен күрес күніне арналған іс-шаралар аясында, 7 маусым күні  кітапханада «Салауатты өмір салты» атты ШҚО салауатты өмір салтын қалыптастыру орталығы Медициналық Мекемесінің маманы, дәрігер Әйгерім Арманқызы Батырхановамен кездесу ұйымдастырылды. Мақсаты - оқушыларға әлемді алаңдатып отырған нашақорлық, СПИД, арақ, темекі сияқты зиянды әрекеттердің белең алып бара жатқандығын ескерте отырып, оны болдырмаудың алдын – алуға тәрбиелеу.

Оларды жаман әдеттерден сақтандыру. Ғасыр дертіне айналып отырған кеселдердің залалын жан-жақты меңгерту, зиянды заттардан барынша аулақ болуға шақыру.
Қазіргі кезде етек алған Нашақорлық - бүкіл қоғамның қасіреті, болашағымызға қауіп төндіріп тұрған індет. Дәл қазіргі таңда әрбір жанұяның есігі мен терезесіне үңіліп, айналасын торып, ғасыр індеті жүргендігін қонақ маман баса айтты.  Қатысқан жасөспірімдер тарапынан көптеген сұрақтар қойылып, маманмен білікті де нақты жауаптар берілді. Сонымен, кездесу барысында балалар нашақорлықтың шын мәнінде қоғам үшін, отбасы үшін зардабы зор екенін білді.

• < Артқа
• Алға >