29 қыркуйек күні Тәуелсіздіктің 25 жылдығына байланысты Теректі ауылдық кітапханасында «Шығыстың жарық  жұлдыздары»атты  поэзиялық кеш өтті.Атаулы кешке №2 Күршім колледжінің оқушылары қатысты.

Кештің  1-бөлімі-«Бір ел-бір кітап» акциясы аясында қазақ халқының бұрыннан қалыптасқан тұрмыс қалпын өктем зорлықпен бұзған XIX ғасырдың шығыстан шыққан ақыны Дулат Бабатайұлына арналды.Кеш барысында Интернет желісінен Дулат Бабатайұлының   «Ақжайлау мен Сандықтас», «Зар заман» т.б.өлеңдері тыңдалып, кітапханашы Ақсартова Г.А. Дулат Бабатайұлы өміріне қысқаша шолу жасап өтті.Сондай-ақ кітапханашылар ақынның «Өсиетнама» кітабынан үзінділер күрескер ақынның жас  ұрпаққа қалдырып кеткен қанатты сөздерін,  «Он бес жас», «Аякөз қайда барасың?» оқырмандарға оқыпберді.Кештің  2-бөлімінде  «Шығыстың  жарық  жұлдыздары» атты ауқымды кітап көрмесі ұйымдастырылып,кітапханашы Башабаева С.Р. қысқаша шолу жасап, жерлес ақындар Л.Жұмекеннің,М. Қайырбектің, Н.Кемешевтың,К.Ерқасовтың  шығармаларына тоқталып өтті.Қатысушылар  Елханова Н.,Жомартова М.,Сарылханова А.шұрайлы шығыс ақындары Қ.Сариннің,Д.Әсембаевтың,К.Ерқасовтың өлеңдерін      оқып ,кешті жандандыра түсті.

Кеш әсем әуенмен жалғасып,өрнектеліп отырды.Теректі  музыкалық мектебінің  шәкірті  Ержанқызы Д. Атаулы мерекені Н.Тлендиевтың «Ата толғауы» т.б. күйлерін ойнап, жандандыра түсті. Шығыс ақындарының өлеңдерін мәнерлеп оқып көзге түскендер  кітапхана қызметкерлері тарапынан марапатқа ие болды.Курсанттар ризашылығын білдіріп тарасты.