29-қазанда Қазақстан Республикасы Тәуелсіздігіне  25 жыл толуына орай Бесқарағай ауданы, Үлкен-Владимировка орта мектебінің оқушыларымен өткен  танымдық сағат  «Болашақты нұрландырған Тәуелсіздік» деп  аталды.

Іс –шара Қазақстан Республикасы Әнұранын оқушылардың  орындауымен басталды. Кітапханашылар мемлкетіміздің тәуелсіздік жылдарындағы жетістіктері жайлы, дамып, гүлденуі туралы әңгімелеп берді. Оқушылар назарына Интернет желісінен «Тәуелсіздік рухы» деректі фильм ұсынылды. Онда еліміздегі өткен мағыналы оқиғалары мен елбасы Н.А. Назарбаевтың халық игілігі үшін жасаған қызметі туралы  тәуелсіздік шежіресін көрді. Білімдерін шыңдай отырып балалар осы тақырыпта қойылған сұрақтарға өздерінің біліктіліктері мен ұшқырлықтарын көрсете отырып жауап берді. Оқушылар А.Амангелды, А.Төлеген, Д. Мұқашева өздерінің тәуелсіздік тойына деген дайындықтарын тақпақ оқумен көрсетті. Оразханова Еркежан Муқагали Мақатаевтың  «Үш бақытым» тақпағын  мәнерлеп  оқып берді.  Сынып жетекшісі Р. Сағадиева  оқушыларды патриоттық рухта тәрбиелейтін, еліміздің тарихы туралы білімдерін толықтырып, тереңдете түсетін осындай өткізілген іс-шараға алғысын білдірді.