Тәуелсіз Қазақстанға Ұлттық валютамыздың болуы Қазақстанның тәуелсіз республика екендігінің тағы бір дәлелі болып табылады.Ұлттық теңгеміздің тарихын білу ол әр қазақстандық азаматқа тән, себебі теңге біздің қазіргі өміріміздің басты айналымы көзіне айналды. Қарашаның 16-да Күршім ауданы, Теректы ауылдық кітапханасында Ұлттық валюта-теңгенің 23 жылдығына орай «Теңге -тәуелсіздік символы» атты танымдық кітапханалық сабақ өтті.

Сабақтың мақсаты- Қазақстан ұлттық валютасы - теңге туралы, оның шығу тарихы, негізгі қасиеттері туралы кеңінен түсіндіріпөту болып табылады. 

Танымдық сабаққа №1 Теректі орта мектебінің  5 сынып оқушылары қатысты. Кітапханашылар  ұлттық валютаның енгізілуі және қалай пайда болғаны туралы және мерзімді басылымдармен  кітаптардан «Теңге Тәуелсіздігіміздің тұмары» атты ауқымды кітап көрмесін ұйымдастырып, шолу жасады. Шараға «Төл теңгеміздің тарихы» атты буклет жасап шығарды.Танымдық сабақ  барысында Интернет желісінен «Теңге-Қазақстанның ұлттық валютасы» атты бейнефильм және «Ұлттық валюта» тақырыбында  слайд-презентация ұсынылды.