Интеллектаулдық сайыс

21 қыркүйекте Ұлан аудандық онлайн орталығының ұйымдастыруымен 22 қыркүйек – Қазақстан Республикасының  халықтары  тілдерінің күніне арналған «Тілге құрмет – елге құрмет» атты интеллектуалдық сайыс өтті.Сайыс Р. Мәрсеков атындағы орта мектебінің 5 - 6 сынып оқушылары дайындаған әдеби - монтажбен басталды. Интеллектуалдық сайыста 5, 6, 10 сынып оқушылары екі топқа бөлініп 5 түрлі тапсырманы орындап, өз білімдерін сынады.Интеллектуалдық сайыстың мақсаты - ойы жүйрік, танымдық деңгейі жоғары, оқушылардың дарынын ашу, белсенділігін арттыру, білімдерін көтеру және қазақ халқынан мұра болып қалған ауыз әдебиетінің алтын маржандары – мақал – мәтелдер, жұмбақтар және шешендік өнерді насихаттау болып табылды.Қатысушылар назарына «Тіл ұлттың жаны, халықтың үні»атты кітап көрмесі бойынша әдеби шолу, сұрақ - жауап сайыстары өткізіліп, Интернет жеісінен ақпараттар ұсынылды (Қазақ тілін үйренеміз-http://kazcenter.kz,"Сөйле" онлайн курс -http://soyle.kz, Казтест -http://kazakhtest.kz, «Дуолинго» тілдерді үйрену-https://www.duolingo.com.). Іс - шараның танымдық, тәрбиелік мәні өте зор болды. Оқушылар білімдері мен ұлттық танымдарын өз деңгейінде көрсете білді.

• < Артқа
• Алға >