Мамырдың 16-сы күні Ұлан ауданы, Қ.Қайсенов кентіндегі онлайн орталығында Семей полигонының жабылғанына 25 жыл толуына орай – «Әлемді сілкіндірген саңырауқұлақ» атты ауызша журнал өтті.

Орталықтың мамандары полигонның жабылуына ықпал еткен антиядролық қозғалыстың маңыздылығын көрсетіп, ядролық жарылыстардың қоршаған орта мен адам денсаулығына тигізген зардаптары туралы ақпарат берді. Шара барысында полигон қасіретінен болған  полигондағы жарылыстар туралы деректі фильмдер және слайд көрсетілді: «Невада-Семей» халықаралық  қозғалысына биыл - 25 жыл»,«Semey Nevada. 1989 zhyl»,«Бүгін – ядролық сынақ алаңына айналған Семей полигоны жабылған күн», «Семей полигоны».  Соңында Семей полигоны туралы кітаптарға әдеби шолу жасалды. Өткізілген шара оқушыларды табиғат байлығын жанашырлықпен пайдалануға тәрбиелейді.