Теректі ауылдық кітапханасында  1-ші маусым күні Халықаралық балалар күніне арналған «Бақытты балалық  шақ» атты ертеңгілік  өтті.Ертеңгілік мақсаты: балаларды адамгершілікке адалдыққа үйрету,олардың кітапқа деген қызығушылығын оята білу, дүниетанымын  кеңейту болды.

Ертеңгілік барысында проекторлық  экран арқылы оқушыларға  Интернет желісінен «Бар мейіріміміз балаларға» атты видеоролик, слайд көрсетілді.Ертеңгілікке қатысушы балалар 2  топқа бөлініп, «Кім тапқыр?» ойынын   ойнап, кітапхана қызметкерлері қойған  қызықты сұрақтарға, сондай ақ  берілген әріптерден  басталған сөздерді тауып, жарыса  жауап берді.Ертеңгілік соңында «Аюлар» мультфильмін көріп тамашалады. Кітапханада өткізілген мерекелік  шара өте тартымды өтіп, балалар болашақта кітапханаға тұрақты  түрде келіп тұратындықтарын айтып, қызметкерлерге алғыстарын білдірді.