14 сәуірде "Парасат жолы" жобасы және А.С. Пушкин атындағы Шығыс Қазақстан облыстық кітапханасының 125 жылдық мерейтойы аясында кітапхананың ең адал оқырмандарына құрмет көрсетілді.

Әміренова Жазира Үмітханқызы, Кнорре Константин Морисович, Нұрмұханбетов Әлібек  – кітапханамыздың 60 жылдан бергі байырғы оқырмандары. Олар кітапхананың әртүрлі ғимаратқа көшуіне, өздерінің тұрғылықты жерлерінің өзгеруіне қарамастан Пушкин кітапханасына адал болған оқырмандар.

Қонақтар кітапханаға алғаш келген күндерін еске алып, ұзақ жылдар бойы оқырман болудың құпиясымен бөлісе келе, өздері ұнатып оқитын жазушылар мен кітаптар, адамгершілік қасиет жайында әңгімеледі. 

Кездесу соңында кітапхананың адал оқырмандарына «Құрметті оқырман» билеті мен ең бағалы сыйлық – кітап тарту етілді.

Онлайн-кездесумен https://www.youtube.com/watch?v=sXS5zvQiOJc  –сілтемесі арқылы таныса аласыздар.