Ұлы даланың қаһарман тұлғасы

Бүгін Оралхан Бөкей атындағы №44 лицейде Қазақстан Республикасы тәуелсіздігінің 30 жылдығына және дарабоз батыр Қаракерей Қабанбай бабамыздың 330 жылдық мерейтойына арналған республикалық тарихи-танымдық ғылыми конференция өтті.

Қаракерей Қабанбай - қазақ батыры, әйгілі қолбасшы, мемлекет қайраткері, дипломат,саясаткер. Қабанбай - дарабоз батыр ғана емес, елді аузына қаратқан би, шешен. Осы шара аясында А. С. Пушкин атындағы облыстық кітапханасы "Ұлы даланың қаһарман тұлғасы" атты кітап көрмесін ұйымдастырды. Көрмеге туған жерімізді, елімізді, бостандығымызды, азаттығымызды ақ білектің күшімен, ақ найзаның ұшымен қорғаған батыр, ел тарихындағы ең ұлы тұлғалардың бірі Қаракерей Қабанбай туралы әдебиеттер қойылды. Мектеп оқушылары мен мұғалімдер, келген қонақтар көрмені ерекше қызығушылықпен тамашалады. Оқушылар кітапхана қызметкерлері жүргізген Қабанбай батыр туралы сұрақтарға жауап беріп, сыйлықтар алды. Жас ұрпақтың батыр бабамыз жайлы көптеген мәліметтерді білетіндіктері бізді қуантты.

• < Артқа
• Алға >