«Күшілік хан және наймандар»

Кітапханаға Қазақ пен Қытай еліне танымал дарынды жазушы, ғалым-шежіреші, этнограф жазушы Зейнолла Сәніктің «Күшілік хан және наймандар» (Алматы, 2014) атты кітабы сый-тарту етілді. 

Бұл кітаптың өзіндік тарихы бар. Қаламгер осы кітабын дүниеден өтерінде танымал азамат, қоғам қайраткері Болат Дүйсембіге аманат етіп тапсырған екен. Міне, енді Болат Дүйсембі ағамыз жазушы аманатына адалдық танытып, кітапты жарыққа шығарды.

Зейнолла Мүбәракұлы Сәнік 1935 жылы Қытайдың Тарбағатай аймағында дүниеге келген. Пекин қаласындағы орталық жастар институтын бітіріп, еңбек жолын баспагерліктен бастаған. Үрімжідегі жастар баспасында жауапты редактор болып қырық жылдай қызмет атқарған. 1955 жылдан бастап әдеби зерттеу жұмыстарын жаза бастаған. Сол уақытта Қытайда жүргізілген "мәдени төңкерістің" ауыр соққысына ұшырап, "халық жауы" болып, ауыр күндерді де өткерген. Қаламгердің ғылыми еңбектерінен, роман, повестерінен құралған жиырмадан астам кітабы жарық көрген. Қазақстанда "Қаракерей Қабанбай", "Хас батыр Қабанбай", "Тұғырыл хан", "Демежан батыр", Халық күйшісі Қайрақбай", "Баспай" атты кітаптары мен еңбектері жарияланған.

• < Артқа